Pissartanngorniunnerit aallartiinnaqaat

Nunatsinni isikkkamik arsaalluni angutit pissartanngorniunnerat Qaqortumi silageqigaa ullumi aallartippoq.
Allattoq Najaaraq Egede
aggustip 21-at 2008 17:17

Arsaannermik aaqqissuisut K-33 Qaqortumeersut siulliullutik Nuummeersunut B-67-ikkunnut pissartanngorniunnernik ammaallutik unamminerat naligiiffiuvoq, tamarmik marlunnik isertitaqarmata.

Tulliullutik unammipput siorna pissartanngortut Nagdlúnguaq N-48 Ilulissaneersut SAK-mut Sisimiuneersunut unamminerminni ajugaasut, unamminermi naligiittuarsimallutik 3-3-reerlutik N-48-ukkut marlunnik isertitseqqillutik 5-3-mik ajugaapput.

Unammisut pingajui tassaapput Eqaluk-54 Kujataani Tasiusarmiut aamma Eqaluk-56 Uummannap nunaqarfiisa ilaannit Ikerasammeersut. Taakku arsaanneranni Ikerasammeersut Eqaluk-56 5-2-imik ajugaapput.

Unamminerit ullumi kingullersaat taakku unammereerpata aallartissaaq, arsaattut tassaassallutik Qasigiannguaneersut Kugsak-45 aamma Uummannameersut FC-Malamuk.

Unamminerit kingulliit inerneri aqagu ullaakkut radioaviseqarnitsinni tusarsinnaassavasi.