Pissartanngorniunneq kusernermit akornusersorneqartoq
Pissartanngorniunnerit aallartinnerat kinguaattorfiuvoq, unammiffiusumi Nuummi Inussivimmi qilaamit masammik kusernera pissutigalugu.
Inussiviup qilaavanit arlalinnit kuserpoq, naterlu unammiffigineqarnissaminut ulorianarluni, aaqqissuisunit Kristian Heilmann allappoq.
Inussivup natiata masannera pillugu allarterisariaqartarsimapput, tamatumalu kinguneraa unamminerit kinguartinneqartariaqartarnerat.
Nuuk Kommueani atorfillit aningaasaqarnermullu ataatsimiititaliap Inussivip qilaavata ussiinera aaqqiiviisisimanngimmassuk tupigaarput, Kristian Heilmann Inuussuttut assammik arsaallutik pissartanngornerniunneranni aaqqissuusseqataasoq allappoq.
Arnat inuusuttut assammik arsaallutik unammineranni ippassaq ingerlanneqartumi, GSS Nuummeersoq K-33-ilu Qaqortumeersoq unammineranni K-33 31-nik isertitaqarluni ajugaavoq GSS 29-inik isertitaqarluni ajorsartoq. Unamminerit aappaanni
Sisimiuneersut SAK aamma S-68 unammipput, SAK 28-eraarluni ajugaavoq, S-68 16-neraarluni ajorsartoq.
Unamminerit pingajuat ingerlanneqarmat, Norsaq HC Aasiaat Ilulissaneersullu Nagdlunnguaq unammipput. Norsaq HC 36 inik isertitaqarluni ajugaavoq Nagdlunnguaq 33 inik isertitaqarluni ajorsartqo
Inuusuttut assammik arsaallutik unamminerat U 21 ullumi nalunaaqutaq pinngasunut qiteqquppat Nuummi timersortarfimmi Inussivimmi qilaavanit kuserpallaassanngippat aallarteqqinneqassapput.
