Pissaaneqarunnaarnini miserratigaa
- Innuttama asavaannga. Kikkut tamarmik illersorpaannga. Asavaannga. Uanga pillunga toqorusupput, TV-qarfinnit BBC-mit ABC-millu, aamma aviisimit Sunday Timesimit apersorneqarnermini oqarpoq.
Libyap illoqarfiisa pingaarnersaanni, Tripolimi, sissami neriniartarfimmi nalunaaquttap akunnerata ataatsip missaani apersorneqarnermini Tripolimi ajornartorsiuteqarnini ungusaasimaniniluunniit akueriumanngilaa.
Tunuarusunnginnini qangali oqaatigereerpaa, kunngiunaniluunniit præsidentiunnginnami taamaaliorsinnaannginnerarluni.
Imminut akerliusoqarnera, illoqarfippassuarnilu pissaaneqarunnaarnini, Gaddafip tassa miserratigiuarpaa.
Libyamiunut nakuusersimanini TV-qarfinnit aviisimillu oqaloqatigineqarnermini aamma ilumuunnginnerarpaa. Oqartuarporlu perullulioqatigiit al-Qaedakkut tassaasut Libyami inuusuttunut sakkulersuisut. USA-mit killuutigineqartutut misigisimalluni ilutigalugu aamma oqarpoq.
