Pisortassarsiorneq aallartippoq
Naalakkersuisoqarfinni pisortatut arfineq-marluk februaarip aallaaqqaataani atorfinittussat kingusinnerpaamik januaarip aappaanni qinnuteqaatiminnik tunniussereersimassapput.
Piumasaqaataavoq qinnuteqartup marluinnik oqaaseqartuunissaa, kalaallisut qallunaatullu, aamma tuluttut ilisimasaqarluarnissaq.
Qinnuteqartoq atorfimmi qaffasissumi inissisimalluni siulersuinermik misilittagaqartuussaaq, aaqqissugaanermilu naalakkersuinikkut ingerlatsineq tunngavigalugu siulersorneqartumi sulinermik misilittagaqartuussalluni. Aamma naalaakkersuisoqarfimmi suliassaqarfiit akisussaaffigineqartut iluani sulianik tamanik imaluunniit taakku ilaannik misilittagaqartuussaaq kiisalu pitsaasumik suleqatigiissinnaassuseqartuussaaq, avammut ammasuussalluni eqaatsumillu pissuseqartuussalluni.
Pisortassatut qinnuteqarfissat ilagaat Naalakkersuisut siulittaasuata Naalakkersuisoqarfiani naalakkersuisoqarfimmi pisortatut atorfik.
Qitiusumik Allattoqarfiup suliassanik isumaginninnerata sapinngisamik pitsaanerpaamik imminut ataqatigiinnissaa angujumallugu suliaqarnissaq qinnuteqartup naatsorsuutigissavaa, taamaalilluni tamanik isiginnilluni aqutsinermi suliat isumagineqassammata.
