Neriniartarfinni nerinerit, kikkut sunalu pissutigalugu nereqatigiittoqarsimanersoq nalunarluni, aamma pisortap pigisaa eurocardi atorlugu, sulisut internetikkut niuerniartarsimaneri. Tamakkuupput inatsisartut kukkunersiuisarnermut ataatsimiititaliaata Aatsitassanut Ikummatissanullu Pisortaqarfiup 2003-mi aningaasaqarnera pillugu misissorneqarneranit maluginiarsimasai.
Uparuarneqartunut ilaavoq, neriniartarfinni suna pissutigalugu kikkullu ilagalugit nereqatigiittarsimanerit allanneqartarsimannginneri.
Malittarisassat pillugit erseqqissaanissamik ilisimatitsissalluni taakkulu malinneqarnissaat siunissami isumagissallugu Aatsitassanut Ikummatissanullu Pisortaqarfik neriorsuivoq.