Pisortaqarfik: Tapiissutit ukiut tallimat sinnerlugit qaangiuppata atorunnaarsinnasut

Nunatsinnut tapiissutit ukiut tallimat qaangiuppata tunniunneqartarunnaarsinnaasut, aviisimi Politikenimi allaaserineqartoq KNR-kkut aamma ilanngussigivarput. Tapiissutit ukiut tallimat qangiuppata atorunnaarnissaat ilimanaateqanngitsoq, Aatsitassanut Ikummatissanullu Pisortaqarfimmi pisortaq, Jørn Skov Nielsen naqqiuteqarluni oqarpoq.

Cairn Energyp misiliutaasumik qillerinerani uuliamik nassaartoqassagaluarpat taava ukiut tallimat qaangiuppata Kalaallit Nunaat uuliamik tunisassiulersinnaasoq Jørn Skov Nielsen Politikenimi issuaaffigineqarpoq.

Uuliasiornissamulli piareersarnermut atatillug piffissaq sivisunerusinnaasoq oqaatigineqarpoq.

Jørn Skov Nielsenip aamma naatsorsuutigaa ukiut arfinillit/arfineq-marluk qaangiuppata Kalaallit Nunaanni qaarusunnik saviminissarsiorfeqalersimassasoq.

- Inuit 90-it Kalaallit Nunaanni qaarusunni massakkut sulisuupput. Ukiut arfinillit- arfineq-marluk qaangiuppata 1.500-nissaat naatsorsuutigaarput, Jørn Skov Nielsen oqarpoq.