Pisortaq tunuarniuteqarpoq
Nunatsinni Takornariaqarnermut Inuussutissarsiornermullu Siunnersuisoqatigiinni pisortaq, Thomas Rosenkrands, januaarip ulluisa 19-at aallarnerlugu soraarniuteqarpoq, tamannalu inuttut atugarisanik aallaaveqartoq nalunaarutigineqarpoq.
Allattoq Louise M. Kleemann
Soraarniuteqarneq ukiumik ataatsimik sioqqutsisumik tunniunneqarpoq, atorfillu piffissami qanittumi inuttassarsiorneqassasoq siulersuisunit nalunaarutigineqarpoq.
Thomas Rosenkrands januaarip ulluisa 19-ata tungaanut pisortaagallassaaq.
- Nunatsinni Takornariaqarnermut Inuussutissarsiornermullu Siunnersuisoqatigiinni pisortatut piffissap sinnerani suliinnarnissara naatsorsuutigaara, taamaasilluni suliffeqarfimmi ukiuni tallimanngulersuni sulinera taamaasillunga kusanartumik naammassissavara, Thomas Rosenkrands oqarpoq.