Pisortaq soraarpoq

Inuussutissarsiornermut pisortaqarfimmi pisortaq Jørgen Peter Labansen pisortatut soraarpoq.

Inuussutissarsiornermut puisortaqarfimmi pisortap soraarniuteqarnerminut pissutaatippaa, pisortaqarfiup iluani suleqatigiinnerup pitsaanerulernissaa.

Jørgen Peter Labansen-ip soraarniuteqarnera Naalakkersuisumit Johan Lund Olsen-mit akuerineqarpoq, Namminersornerullutillu oqartussani pisortaq Kaj Kleist suliaq inunnut ataasiakkaanut tunngammat soraarniuteqarneq pillugu oqaaseqarniannginnerarpoq.

Jørgen Peter Labansen-ip Septemberip qaammataani sulisuni oqaatigai akisuutut inuulluarpallaartutullu. Taamatut oqarnermi saniatigut Jørgen Peter Labansen oqarsimavoq immikkoortortami ajornartorsiutinut assigiinngitsunut atatillugu sulisuni oqaloqatigiumanagit.

Tamatuma saniatigut sulisuni ilisimatissimavai imaassinnaasoq atorfilittani kalaallisuinnaq oqaluuttalersinnaallugit.

Inuussutissarsiornermut pisortaqarfimmi pisortap Jørgen Peter Labansen-ip soraarniueqarsimanera sulisunit tupaallaatigineqarsimasoq Namminersornerullutik oqartussani suleqatigiinnissamut ataatsimiisitaliami siulittaasup tullia Poul Møller oqarpoq.

- Tupaallaqqaarsinnarluta silaannaq oqiliallattutut misiginarpoq. Qaammatini arlaqalersuni sulisut naammaginninnginnerminnik nipaarsaarlutik oqallittarsimapput, oqiliallakkunaqaat.

Pisortaagallartoq peqatigalugu suleriaasissaq nutaaq eqqartussavarput.

Inuussutissarsiornermut pisortaqarfimmi pisortatut taartaagallassaaq allaffimmi pisortaq Peter Hansen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat