Pisortaq: Pisortani sulisut ikilisariarput
- Kalaallit Nunaat namminersulissappat pisortani sulisut ikinnerulertariaqarput, suliffeqarfiillu namminersortut amerlanerulertariaqarlutik, Namminersorneq pillugu pisortaqarfimmi pisortaq Palle Frederiksen oqarpoq.
Internetikkut nutaarsiassalerisoq webavisen.gl taama allappoq.
Palle Frederiksen isumaqarpoq Kalaallit Nunaata Danmarki aningaasaqarnissamut tunngatillugu isumalluutigijuaannarsinnaanngikkaa.
Kalaallit Nunaat aningaasaqarnikkut ingerlalluassaguni, taava Danmarkip tapiissutigisartagai 3 milliard koruunit pisariaqartilluinnarpai.
Namminersornerullutik Oqartussanit oqaatigineqartarpoq tapiissutit ukiut 20-it ingerlanerini annikilliartortinneqarpata namminersorneq anguneqarsinnaasoq.
- Suliffiit namminersortut pilersittariaqarpavut, pisortani sulisut ikinnerulersittariaqarpavut, ilinniartitaaneq aaqqissuussaanerusumik aquttariaqarparput, nunatsinnullu tunngasut akisussaaffeqarnerusumik aquttariaqarlugit, Palle Frederiksen svenskit nutaarsiassaqartitsivianut TT-mut oqarpoq.
