Pisortaq naggataarmat pisortartaaq tikilluaqquneqarpoq
Taseralimmi pisortaq Juaaka Lyberth ukiuni marlunni affarmilu kulturip illorsuani Sisimiuniittumi pisortaareerluni tallimanngormat atorfimminit tunuarpoq, tamannalu malunnartillugu Taseralimmi ilasseqatigiissitsinermi pisortanngortoq nutaaq aamma tikilluaqquneqarpoq, tassaalluni Arnajaraq Støvlbæk, illorsuup atuleqqaarneraniit aaqqissuussinermut pisortaasoq.
Siulersuisut siulittaasuat Jens Johansen Juaakamut qujassuteqarami ilaatigut oqarpoq, soraarnissaa sakimmerisimagaluarlugu, Taseraliup ukiuni siullerni atuunnerani Juaakap pisortaanera sulineralu iluarisimaarsimagamikku.
Borgmesteri Hermann Berthelsen ilaatigut oqarpoq, Juaakap ilisimasai misilittagailu Taseraliup aallartisarnerani iluaqutaalluarsimasut, taamalu Sisimiormiut kulturip illorsuaqalersimanerat taamaalilluni aallartilluarsimasoq.
Juaaka Lyberthip qujassuteqarnermini ilaatigut eqqaavaa Nuummut uteruni suliassaaleqinaviarani, pilersaarutigereernerarpaami atuakkiortunngorniarluni kiisalu cd immiutileriikkani aamma naammassiniarniarlugu.
