Pisortanit pisartagallit Ilulissani ajornartorsiutigineqanngillat

Pisortanit pisartagaqartut namminneerlutik akiligassaminnik isumaginnissinnaanngitsut Ilulissat Kommune-ni ajornartorsiutigineqanngillat. Akiligassaminnik aqutsisinaanngitsut kommunimit aqutsissunneqartarput taamatut oqarpoq, Ilulissat kommuneani isumaginninnermut ningiu Magga Fencker.

Pisartagaqartut namminneerlutik akiligassaminnik isumaginnittalernissaannik tunngatillugu, Ilulissat kommueani aallaqqaataanniit mianersuuteqarsimavugut. Toqqaannartumik peqqussutip taamatut atornissaanut. Peqqussutip atuutilernerani sullitatsinnut nutaanut ingerlaannaq atortinneq ajorparput, Magga Fencker oqarpoq. Pisortanit pisartagaqartut sullitarisagut, akiligassaminnik ajornartorsiuteqartut, kommunimit aqutsissuttarpagut, tamanna Namminersornerullutik Oqartussat peqqussutaanni periarfissiimmat!

Magga Fencker ilanngullugu oqarpoq, Namminersornerullutik Oqartussat peqqussusiaat pisartagartut namminneerlutik akiligassaminnik isumaginnissinnaanerannut peqqussut paasisitsiniutigineqartariaqartoq.