Pisortaanerit nutaat marluk atorfinitsippaat
Ilaqutareeqarnermut Ilinniartitaanermullu pisortaqarfimmi pisortassatut qinnuteqartut pingasuupput, Aningaasaqarnermut, Teknikkimut Avatangiisinullu pisortaanermut qinnuteqartut sisamaallutik.
Ikaarsaariarnermi ataatsimiititaliaq aalajangerpoq 2009-mi januaarip aallaqqaataa aallarnerfigalugu atorfinitsitsisoqassasoq.
Aqutsinermik ilinniarnertooq, 39-nik ukiulik, Hans-Henrik Olsen, Ilaqutareeqarnermut Ilinniartitaanermullu pisortaqarfimmi pisortaaninngorpoq.
Taanna Namminersornerullutik Oqartussani fuldmægtigitut, Sisimiut Kommuneani Piareersarfimmi pisortatut kingullermillu Maniitsup Sisimiullu Kommuuniisa kattussuunnissaannut siunnersortitut siusinnerusukkut atorfeqarpoq.
Aningaasarsiornermik ilinniarnertooq, 37-nik ukiulik, Laust Løgstrup, Aningaasaqarnermut, Teknikkimut Avatangiisinullu pisortaqarfimmi pisortaaninngorpoq.
Taanna Københavnip Kommuniani økonomitut aammalu Sisimiut Kommuneani pisortaanerup tulliatut kingullermilllu pilersaarusiornermut ineriartortitsinermullu pisortatut siusinnerusukkut atorfeqarpoq.