Pisortaaneq ungasissumut angalasoq

KNI-p qullersaat 2500 km-inik imaatigut angalasimapput, angalareernerminnilu suliffeqarfiup niuertarfiutai peqqumaasiviilu pillugit ilisimasaqarlualerput, aammali sulisut ulluinnarni sulinerminni unammilligassaat ajornartorsiutigisartagaallu takusimavaat.

-Inuit 1.200 missarluinnaanniittut sulisorisarpavut. Sulisut amerlanersaat Pilersuisup pisiniarfiini Polaroil-illu ikummatissanik imerpalasunik peqqumaasiviini sulisuupput. Suleriusissamik nutaamik ingerlataqarnitsinni ”KNI 2016-ip tungaanut” ”pisiniarfitta” sukutsitanngui tamaasa aqutsisut ilisimassagaat pingaaruteqarpoq. Ukiunimi aggersuni amerlaqisunik aningaasaliisussaavugut. Killeqanngitsunik isumalluutissaqannginnatta pisisartut, piginnittut suleqativullu eqqarsaatigalugit suut aningaasaliiffiginerisut pissarsinerussanerput paasisimasaqarfigissallugu pingaaruteqaqaaq,” Claus Jensen oqarpoq .

KNI-p pisortaasa illoqarfiit nunaqarfiillu makku tikeraaqqammerpaat:

Qeqertarsuaq, Niaqornat, Upernavik, Tasiusaq, Innaarsuit, Aappilattoq, Kangersuatsiaq, Upernavik Kujalleq, Nuugaatsiaq, Illorsuit, Uummannaq, Saattut, Ukkusissat, Ikerasak, Saqqaq, Kitsissuarsuit, Qasigiannguit, Ikamiut aamma Kaangaatsiaq.

KNI-p pisortaanerata niuertarfiit peqqumaasiillu 45-t tikeraarpai. Tulliani angalaqqileruni avannaani tunumilu niuertarfiit peqqumaavisiillu sinneri tikinnissamaarpai.