Kalaallit Airports Pisortaaneq Steffen Ulrich-Lynge soraartoq
Kalaallit Airport ataasinngornermi unnukkut tusagassiuutinut nalunaaruteqarput, nutaamik pisortaanermik atorfinititsisussanngorlutik. Steffen Ulrich-Lynge ataasinngornermi soraartoq nalunaarutigalugu.
Allattoq Merete Lindstrøm, Jaaku Lyberth
februaarip 04-at 2019 18:31
Kalaallit Airport ataasinngornermi unnukkut tusagassiuutinut nalunaaruteqarput pisortaaneq Steffen Ulrich-Lynge
Kalaallit Airports Holding A/Simit aamma Kalaallit Airports Domestic A/S-mit ataasinngornermi soraartoq.
Siulersuisunit pisortaanertut atorfinitsitaagallarpoq aningaasaqarnermut pisortaq Peter Wistoft taanna pisortaanermik allamik atorfinitsitsinissap tungaanut, pisortatut sulissaaq.
Siulersuisuni siulittaasoq Johannus Egholm Hansen KNR-imit aperaarput sooq pisortaaneq soraarnersoq.
Taanna oqarpoq isumaqatigiissuteqarnikkut pisortaaneq soraartoq, inuttullu ataasiakkaanut tunngassuteqartunik annerusumik oqaaseqaqqinniarani KNR-imut oqarpoq.
