Pisiniartut imminnut 4 kvadratmeterimik ungasitsigigunik – pisiniarfiit ammasinnaasut
Siullermik illoqarfiit pingaarnersaanni pisiniarfiit pingasunngornermi sisamanut matussasut sapaatillu-akunneri pingasut matoqqassasut nalunaarfigineqarput.
Illoqarfiit pingaarnersaanni coronavirusimik tunillatsissimasut marlunngorput – kingullerlu sumi tunillatsissimanersoq ilisimaneqanngilaq. Taamaammat Nuummi tuniluttooqqarsinnaavoq – taamaammallu illoqarfik matuneqarpoq.
Taamaallaat ulluinnarni atortussanik niuerniartarfiit ammasinnaatitaapput.
Politimesteri, Bjørn Tegner Bay sisamanngornermi KNR-imut ima oqarpoq:
Pisiniarfiit ammatinneqarunik – taava susoqassava?
- Pisiniarfiit nerisassanik nioqquteqarfiit minillugit maanna matoqqasussaapput. Inatsisiliornera tamanna suli inissivinngilaq.
AAMMA ATUARUK Nuummi inerteqqutit nutaat: 1500 koruunimik akiligassinneqarsinnaavutit
Tallimanngornermili ualikkut Tunillaassortunik nappaalanersuaqarneranut ataatsimiititaliarsuaq Naalakkersuisullu akerlinganik nalunaaruteqarput: Pisiniarfiit piumasaqaatinik naammassinnissinnaagunik ammasinnaapput.
Inuussutissarsiornermi Naalakkersuisoqarfik illoqarfiit pingaarnersaanni pisiniarfinnut tunngatillugu malittarisassanik qasukkaanissamik aalajangiisuuvoq. Oqaatigineqartutullu 'taamaallaat' innersuussutaapput, taamaammat pisiniarfiit taakkuninnga unioqqutitsiniarunik politiit iliuuseqarsinnaanngillat.
- Pisiniarfiit inuit peqqissusaannik tunulliutitsillutik amatitsiniarunik taama politiit piffissami matumani iliuuseqarsinnaanngillat, politimesteri, Bjørn Tegner Bay oqarpoq.
Politimesterilli taamaaliortoqarnissaa takorloorsinnaanngilaa.
Naalakkersuisulli politiit innersuussutinik malitsitsisinnaalernissaanut pisinnaatitsisussaq, inatsit tuaviuussaq ulluni makkunani suliarileruttorpaat.
Innersuussutit nutaat ima nipeqarput:
Pisiniarfiit pisiniarfissuillu suli ammasinnaappat?
- Aap, matumani pineqarput pisiniarfiit, pisiniarfissuit niuertarfiillu allat, piumasaqaatinik ataani allaqqasunik eqquutsitsisimagunik:
- Eqqiluisaarluarnissamut ileqqorissaarnissamullu tunillaassortunik nappaalanersuaqarneranut ataatsimiititaliarsuup inassutaanik sulisut tamarmik eqquutsitsinissaannik qulakkeerinnippata.
- Inuit COVID-19-imik ersiuteqartut angerlarsimaffimminnut mattunnissaat pillugu peqqinnissaqarfimmullu attaveqarnissaat pillugit paasissutiissisutinik nivinngartuisimappata.
- Opsætte Eqqiluisaarluarnissamut ileqqorissaarnissamullu paasissutissanik nivinngartuisimappata.
- Sapinngisamik annertunerpaamik sullissat pulaartullu atorsinnaasaannik imermik qaqorsaammillu aamma/imaluunniit assannut spritsimik atuinissamut periarfissaqartitsippata.
- Medarbejdere Nerisassat poortorneqarsimanngitsut tuniniarneqarpata sulisut aaqqatinik atuissapput.
- Init ima aaqqissugaassapput, pisiniartup ataatsip natermi minnerpaamik 4m2-iterisut angitigisumik inissaqarnissaa piumasaqaataavoq.
Ammatitsinissamut kikkut ilaatinneqanngillat?
Pisiniarfiit Nuuk Centerimiittut, illorsuup iluatigut taamaallaat iserfigineqarsinnaasut pisiniarfiillu qulaani taaneqartunik ininik aaqqissugaanissaannik eqqiluisaarnissamullu tunngasunik piumasaqaatinik naammassinnissimanngitsut.
AAMMA ATUARUK Misissukkat inerneri: Coronavirusimik tunillatsissimasut suli marluinnaasut
Nuuk Centerimi pisiniarfiit sorliit ammatitsisinnaappat?
Ulluinnarni pisariaqartinneqartunik pisiniarfiit Pisiffik aamma immikkut ittunik nioqquteqartoq Matas.
Pisiniarfiit illorsuup iluanit matunissaanut periarfissalinnut taamaalillutillu illorsuup silatanit pisinianik isertitsisinnaasut.
Passussiviit aamma kiffartuussinermik pisiniarfiit makkuninnga immikkut suliaqartartut pineqartut tassaapput: kakiuisartut, iverusersuisartut, timikkut isumassuineq, pinnersaasarfiit aamma tagiartuisarfiit, palersarfiit nujalerisullu
Inerteqquteqarnermi ilaatinneqanngillat namminersortut passussisarfiit, assersuutigalugu tagiartuisarfiit kigutilerisullu, peqqissutsimut tunngasunik inunnik sullissinissamut akuerisat imaluunniit tassani sulisut.