Pisiniarfinnut tillinniarneq inuusuttunit pilerineqarajuppoq

Pisiniarfinni tillinniarnerit Danmarkimi piliarineqartartut amerlanersaat inuusuttut piliarisarpaat. Inuusuttut tillinniarsimanertik pillugu pinerluttulerinermut inatsit malillugu pineqaatisinneqartartut ukiuni kingullerni amerliartuinnarsimanerat akiorniarlugu Københavnip Rådhuspladsiani ullumi inuusuttut tusindit katersuupput.

Assersuutigalugu kisitsisit ukioq 2003 2004-mullu tunngasut qiviaraanni inuusuttuaqqat politiinut oqaatigineqartut 50 procentimik amerleriarsimapput.

Inuusuttut katersuunnerminni oqariartuutigaat atisat torrannerpaatut isigisat pinnersaatillu piinnarlugit tillinniartarneq imminut nikanarsarnerusoq. - Inuk namminiusoq torraanerpaavoq, oqarput.

Nunatsinni inuusuttut qassit pisiniarfinni tillinniartarnersut politiit ilisimanngikkaat, Nuummi stationslederi Bent Heiselberg oqarpoq.

Pinerlunnerit suussusaanut immikkoortiterneqartarput qanorli ukiulinnit piliarineqarneri nalunaarsorneqartaratik.

- Nuummili tillinniartartut inersimasuunerusut maluginiartarparput. Sinerissami meeraanerusarput.

Bent Heiselberg oqarpoq.

Nuummi politiit tillinniarnermut atatillugu inuit 350-t 400-ullu akornanniittut ukiumut tigusarisarpaat.