Pisiffiup Notabene/GRC pisiaraa
Notabene/GRC-p sulisui nioqqutigisaalu allanngortinnagit ingerlateqqinnissaa Pisiffiup qilanaarinerarpaa.
- Notabene/GRC-p ingerlannissaa qilanaarivarput aammalu Elgigantenip Notabene/GRC-llu sunniivigeqatigiinnissaat atorluassamaarlutigu. Immitsinnut ilisarisimallualernitsigut nukittuffigisavut atorluarsinnaavagut taamaalillutalu pisiniarfiit marluusut pitsaanerusumik inissisimatilerlutigit, Pisiffimmi tuniniaanermi pisortaq, Jens Bang, taama oqarpoq.
Pisiffik A/S-ip pisinermigut Nuummi elektronikkimik pisiniarfinnik marlunnik ingerlataqalissaaq, tassalu Notabene/GRC aamma Elgiganten.
- Pisiffiup Nunatsinni elektronikkimik niuerfimmi inissisimanerata nukittorsarnissaa siunertaralugu pisineq pivoq, Ilulissanilu Elgigantenimik ukiormanna kingusinnerusukkut ammaanitsigut suli nukittunerusumik inissisimalissaagut, Pisiffiup pisortaanera Per Steen Larsen taama naggasiivoq.