Pisiffik Demokraatit nuanninngitsumik uparuartorpaat

apriilip 24-at 2007 06:23

Pisiffik Demokraatit tungaanniit nuannerpallaanngitsumik uparuartorneqarpoq.

Niviarsiaqqanut arfineq pingasunik ukiulinnut iviangequteeqqanik vatsinik pullaqusersukkanik Pisiffimmi atisaarniarfimmi tuniniaasoqarnera ”kannguttaatsuliornermik” ”sianilluanngissuseqarnermillu” partiit akerartuutigaat.

- Pisiffik taama kannguttaatigisumik eqqarsarsinnaassuseqanngitsigisumillu pissusilimmik niviarsiaqqanut taamatut nioqquteqarniarsinnaammat Demokraatit annilaajallaatigisorujussuuvaat. Niviarsiaqqanummi taamatut ukiulinnut taamatut nittarsaassineq tulluanngilluinnarpoq, partiimi ilaasortat, Astrid Fleischer Rex aamma Palle Christiansen allappput.

Taakku isumaqarput, Pisiffik akisussaaffeqanngi tsuliortoq iviangequteeqqat niviarsiaqqanut taamatut neqeroorutigisinnaammatigik inersimasunit kanguttaalliorniartartunit malugineqanngitsoorsinnaanngitsumik, inatsisartunut ilaasortat marluk allapput.

Taamaattumillu peqqusipput, iviangequteeqqaat pisiniarfiup ilisiviinit peerneqassasut.