Pisiffik allanut pisiniarsinnaalerpoq

Unammilleqatigiinnermut Ataatsimiititaliaq ukiuni arlaqalersuni isumaqartuarsimavoq, Pisiffik A/S-ip namminersortunngorsarneqarluni Dagrofa-mut tunineqarnissaanut 2001-imi isumaqatigiissutaasut unammilleqatigiinnermik equtitsisuusut.

Unammilleqatigiinnermullu Ataatsimiititaliap tamanna pillugu suliani kiisami naammassivaa, Dagrofamik isumaqatigiissuteqarnerup kingorna. Isumaqatigiinniarnerit inerneraat Dagrofap Pisiffiup tamaallaat Pilersuisumit pisisinnaatitaanissaanik aalajangernerminik tunuartitsinera.

Danmarkimi nuiertarfissuit inuussutissanik tuniniaasut anersaata Dagrofa-p 2001-imi Pisiffimmik piginneqataassutit annersaat pisiaraa, kingornalu Pisiffiup pisiniartarfissaanik isumaqatigiissuteqarluni.

Isumaqatigiissutit unammilleqatigiinnermi ajornartorsiortitsilersussatut Unammilleqatigiinnermut Ataatsimiititaliap taamani nalilerpai, Dagrofamillu isumaqatigiinniarneq aallartillugu, tassalu Pisiffiup Pilersuisuinnaanngitsumit aammali allanik niueqateqartarnissaanik isumaqatigiinniarnerit inerneqarput.