Pisiffik akikitsuerniarfinik nutaanik ammaalersoq

Pisiffiup akikiutsuerniarfiit AKIKI-mik atserlugit Nuummi, Ilulissani, Sisimiuni Qaqortumilu juunip ulluisa 29-anni ammassavai.

Pisiffiup ulluinnarni atortussanik niuetarfiit pingasut Arctic Detail Group ApS-imit ukioq manna pisiarai, tamannalu akikitsuerniarfiup piviusunngortinnissaanut peqqutaaqataallutik. Pisiffik tusagassiuutinut nalunaarummi taama paasissutissiivoq.

- Taama suliniuteqarnerput ilutigalugu Kalaallit Nunaanni atuisutta akikinnerusunik, pisariinnerusunik pilerinarnerusunillu pisiassaqarnissaat kissaatigaarput, Pisiffiup siulersuisuisa siulittaasuat, Karsten Høy tusagassiuutinut nalunaarummi oqarpoq.

Nioqqutissaatigut nutaat, akikitsut pitsaasullu nioqqutissaatigeriikkatsinnit akikinnerussapput, taakkualu pisisartutta akikinnerusunik ulluinnarni pisiassaqarnissaanik qulakkeerisuussapput, siulersuisut siulittaasuat oqarpoq.

AAMMA ATUARUK Nuummi Ilulissanilu Arctic Importip niuertarfii Pisiffiup tigussagai

Pisiffiup pisiniarfiit AKIKI-mik ateqartut pisiniarfiutigeriikkamini ammassavai. Nuummi Pisiffimmi illoqarfiup qeqqani aamma Super1-imi. Ilulissani akikitsuerniarfik Ilulissat Centermarkedimiissaaq. Sisimiuni Spar Quickimi, Qaqortumilu Pisiffik Eliami.