Pisiffik 21,4 millionit koruuninik sinneqartoorpoq

Pisiffinnik pisiniarfiutillit 532 millionit koruuninik kaaviiaartitaqarput, sinneqartoorutillu akileraarutit suli peernagit 21,4 millionit koruuniusut sinneqartoorutaapput ajoriinnagassaanngitsut, suliffeqarfiup ukiup affaanut naatsorsuutaani tamanna takuneqarsinnaasoq, Sermitsiaq nittartakkamini allappoq.
Allattoq Lotte Holm
marsip 25-at 2009 08:24

Sinneqartooruteqarnerup kinguneranik pisisartut sulisullu pisiniarfiup ingerlataasa annerulernissaat nuannaarutigisinnaassavaat.

Tassami Pisiffimmik piginnittut Dagrofa aamma Greenland Venture siusinnerusukkut aalajangiisimapput sinneqartoorutit Pisiffiup ineriartortinneqarnissaanut atorneqassasut.

Pisiniarfimmik ingerlatsisut sulisullu taamatut angusaqarluarneq pillugu siulersuisunit nersualaarneqarput, ukiunilu aggersuni ineriartortuarnissaq qilanaarineqarpoq.

- Ajunngitsumik ineriartornitta kinguneranik siunissaq isumalluarfigisorujussuuarput, Pisiffiup pisortaanera, Carsten Lynghøj, Sermitsiap nittartagaanut oqarpoq.