Pisassiissutinit pisarineqanngitsoortut aalisapilunneq annertusippaat

Siorna pisassiissutinit pisarineqanngitsoortunik Upernavimmi aalisartunut nuussisoqarneratigut, naalakkersuinikkut aalajangiinerit pissutsillu inuiaqatigiinnut tunngassuteqartut pissutigalugit, uumassusilinnik ilisimatuut qaleralinnut tunngatillugu siunnersuinerat malinneqanngitsoorpoq.
Allattoq Jonas Løvschall-Wedel, Simon Uldum
juulip 17-at 2014 04:30

Ilaatigut Upernavimmi qaleralinniarnermi uumassusilinnik ilisimatuut kaammattuutaat qaangerlugit aalisartoqarnera tamanit ilisimaneqareerpoq, taamaakkaluartorli Naalakkersuisut 300 tonsinik pisasseeqqipput, qaammatini juulimi, aggustimi septembarimilu pisassiissutit 450 tonsinit 550 tonsinut qaffanneqarlutik.
 
Qaleralittassat ilaneqanngillat, siornali pisarineqanngitsoortut ukiumut 2014-imut nuunneqarnissaannik Naalakkersuisut marsip qaammataani aalajangiiffigisaasa sinneri pineqarlutik.

AAMMA ATUARUK ATAATSIMUT ISIGALUGU Qaleralittassanik qaffaanerit ima oqaaseqarfigineqarput

- Qaleralittassat uumassusilinnik ilisimatuut siunnersuinerminni kaammattuutigisaannut naleqqiullugit qaffasinnerusut ilisimaaraarput, Aalisarnermut, Piniarnermut Nunalerinermullu Naalakkersuisoqarfimmi allaffimmi pisortaq, Jóhanna Olsen, oqarpoq.

Taassuma aamma tikkuarpaa naalakkersuinikkut tamanna aalajangerneqarmat, taamaatullu aalajangiisoqarnerani pissutsit uumassusilinnik ilisimatuut naliliinerannit allaanerusut tunngavigineqartarmata.

- Pisassiissutigineqartut qaffasippallaangajapput, aamma uumassusilinnik ilisimatuut siunnersuinerat malinniarsaraarput, taamaattorli ataatsimut nalilersuisariaqarpugut inuiaqatigiit tamakkerlugit isiginiartariaqarlutigik, Jóhanna Olsen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq