Pisassiissutinit pigisassatut akuersissutit

Taamaalillutik aalisartut angisuunik  aalisariutaatillit umiatsiaararsortullu Qeqertarsuup Tunuani, Uummannami Upernavimmilu Aalisarnermut Naalakkersuisoqarfimmit ulluni aggersuni allagarsiassaqartussanngorput qanoq amerlatigisunik pisassiissutinit pigisassaqarnerlutik, soorlu aamma umiatsiaararsortut aamma qanoq amerlatigisunik pisaqarsinnaatitaassanerlutik.

Aalisartut apriilip 1-anit utaqqiisaagallartumik pisassiissutinit pigisaqartinneqarsimasut, maannakkut pigisassavimmittut nalunaarfigineqassapput.

Qalerallit pisassiissutigineqartut aalisariutinut anginernut umiatsiaaqqanullu aveqqissaakannerlugit pisassiissutineqarput.

Aqutsiveqarfinni Qeqertarsuup Tunuani, Uummannami Upernavimmilu ukioq mannamut qaleralittassiissutit katillugit 20.500 tonsipput.

Aalisarnermut Naalakkersuisoqarfik naapertorlugu Qeqertarsuup Tunuani qaleralinnik 8.000 tonsinik pisassaqarfiusumi aalisartut 58 procentii, aalisariutinik 6 meterinit anginernik aalisariutatatillit pisassiissutinit pigisaqartutut qaleralittassinneqarput, sinneri umiatsiaararsortunit pisarineqassallutik.

Aqutsiveqarfiimmi Uummannami qaleralinnik 6.000 tonsinik pisassaqarfiusumi aalisartut 38 procentii, aalisariutinik 6 meterinik anginernik aalisariutaatillit pisassiissutinit pigisaqassartutut qaleralittassinneqarput, sinneri umitsiararsortunit pisarineqassallutik.

Aqutsiveqarfik Upernavimmi qaleralinnik 6.500 tonsinik pisassaqarfiusumi aalisartut 52 procentii, aalisariutinik 6 meterinik anginernik aalisariutaatillit pisassiissutinit pigisaqartutut qaleralittassinneqassapput, sinneri umiatsiaararsortunit pisarineqassallutik.

Aalisaernermut Naalakkersuisoqarfiup kisitsisaatai naapertorlugit aalisartut akuerissutaatillit 609-it umiatsiaararsortuupput, meterinik 6-nik mikinernik umiatsiaqarlutik: Qeqertarsuup Tunuani 202-it, Uummannammi 215-it Upernavimmilu 192-it.

Aalisarnermut Naalakkersuisoqarfimmit erseqqissaassutigineqarpoq akuersissutik nassiussuineq aatsaat ullumi ullormi suliffiusumi pisinnaasoq.