Naalakkersuisup Nikkulaat Jeremiassenip pisassiisutitaqanngitsumik aalisarfeqarunnaanissaaa sulissutigineqassasoq aviisimut Sermitsiamut qanittukkut oqaatigaa, taamaalilluni nakkutigineqanngitsumik aalisarneq uneqqullugu.Assi: KNR

Pisassiissuteqarfiunngitsumik aalisarfiit akerleriissutaalersut

Aalisarnermut naalakkersuisoq Nikkulaat Jeremiassen qaleralinnik aalisarnermi pisassiissutitaqanngitsumik aalisarfiit atorunnaarsinnissaannik siunnersuuteqarpoq. Tamannali Inatsisartuni Naalakkersuisup parteeqataasa Siumumeersut akerleraat.

Naalakkersuisup Nikkulaat Jeremiassenip pisassiisutitaqanngitsumik aalisarfeqarunnaanissaaa sulissutigineqassasoq aviisimut Sermitsiamut qanittukkut oqaatigaa, taamaalilluni nakkutigineqanngitsumik aalisarneq uneqqullugu.

Aqutsiveqarfinni Upernavimmi, Uummannami Qeqertarsuullu Tunuani killiligaanngitsumik qaleralinniarfiit pilersinneqarmatali oqallissutaalerput, atorunnaarsinisaallu arlaleriarluni oqallisaasarpoq. 

Tamannali suli pinngilaq, Nikkulaat Jerimiassenimullu maanna aamma ajornarkusoortussaagunarpoq.

AAMMA ATUARUK Naalakkersuisut aalisarfiit killilersuiffiunngitsut atorunnaarsinniaraat

Inatsisartunimi Siumut sinnerlugu politikikkut oqaaseqartartup Karl Kristian Krusep, parteeqatimi siunnersuutaanut akerliliivoq.

Ilaatigut tunngavilersuutigalugu qaleralinnik aalisarnermi pisassiissutitaqanngitsumik aalisarfiit atuutilersinneqarneraniit aalisartut toqqissisimanerusumik aalisalernikuusut.

-Atuutilersinneqarnerata kingorna sinerissap qanittuani aalisarneq toqqissisimasumik ingerlanikuuvoq,

Karl Kristian Kruse KNR-imut oqarpoq. Killeqanngitsumik pisassiissuteqarfiunngitsumillu aalisarsinnaatitaaneq Inatsisartuni 2014-imi amerlanerussuteqartunit akuersissutigineqarnikuuvoq.

 

AAMMA ATUARUK Olsvigip pisassiissutitaqarfiunngitsumik aalisarfiit atorunnaarsinnissaat pillugu oqarnera Krusep ilumuunnginnerarpaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat