Pirat Parti Islannimi siuttuusoq
Nunaminni qinersisoqalerpat islandimiut soorluuna partii ukiut sisamat matuma siorna pilersinneqartoq Pirat Partiet amerlasuut qinissagaat, Ritzau taama allaaserisaqarpoq.
Allattoq Ritzau
Nutserisoq Erna Lynge
Inunnik isumasiuinerit takutippaat partiip taassuma qinersinerit 22,6 procentii pissarsiarissagai, taamaalillunilu nunami aningaasarsiornikkut eqqornerlugaasimasumi pissaaneq tigullugu.
Paasineqarmat ministeriunerusisimasoq nulianilu Panamami arlalinnik akileraarusigaasimanngitsunik uninngasuuteqartut qinersinissaq siuartinneqarsimavoq.
Pirat Partiet isummaminnit siaruarterinianit qarasaasianullu pulasartunit aallartinneqarsimavoq, taakku naalagaaniarnernut akerliusupilussuupput Islandimilu ingerlariaatsimik allannguerusuttuullutik.