Namminersorlutik Oqartussat ulturikkut nersornaasiuttagaannik tunineqartoq, Pipaluk K. Jørgensen. Asseq toqqorsivimmit.Assi: KNR

Pipaluk K. Jørgensen kulturikkut nersornaaserneqartoq

Namminersorlutik Oqartussat ukiumoortumik Kulturikkut nersornaasiuttagaat aamma Naalakkersuisut kajumissaatitut nersornaasiuttagaat kulturip illuani Katuami Inuiattut ullorsiornitsinni tunniunneqarput.

Pipaluk K. Jørgensen Namminersorlutik Oqartussat kulturikkut nersornaasiuttagaannik tunineqarpoq. Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisup Ane Lone Baggerip nersornaat tunniuppaa.

Pipaluk K. Jørgensen ilitsersuisartutut filmiliortartutullu ilisarisimaneqarpoq.

Naalakkersuisut Kulturikkut Nersornaat 1982-imi pilersippaat. Nersornaat 50.000 kr-nik aningaasartaqartoq inummut ataatsimut arlalinnulluunniit, peqatigiiffinnut kattuffinnulluunniit eqqumiitsuliornikkut kulturilerinikkulluunniit immikkut suliniuteqarsimasunut tunniunneqartarpoq. Nersornaat ukiut tamaasa Inuiattut Ullorsiornitsinni juunip 21-ani tunniunneqartarpoq. Naalakkersuisut kajumissaatitut nersornaasiuttagaat 10.000 kr-nik aningaasartaqartoq 2016-mi pilersinneqarpoq. Taannalu inuusuttumut piginnaasalimmut Kulturikkut Nersornaasiisoqarnerani aamma tunniunneqartarpoq.

- Inuk filmiliortarnermik soqutigisaqarluarnermigut kalaallit kulturiannik pingaartitsisoq ukioq manna Kulturikkut Nersornaaserneqarpoq. Filmiliorneq uagutsinnut nutaapajaajuvoq. Tamassuma Kalaallit Nunaat pinngortitarlu, oqaluttuarisaaneq, kulturi kinaassuserpullu nunarsuarmi ilisimaneqalersisinnaavai – pineqartoq ukiorpassuarni taamaaliornikuuvoq, tamannalu qujamasuutigaarput tanngassimaarutigalugulu, Pipaluk K. Jørgensenip kulturikkut nersornaaseqarneranut atatillugu ane Lone Bagger oqalugiaammini ilaatigut taama oqarpoq.

Namminersorlutik Oqartussat kulturikkut nersornaasiuttagaat 1982-imi pilersinneqarpoq 50.000 koruuninillu aningaasartaqarluni.

Nersornaasiineq Katuami pivoq, Naalakkersuisullu inuusuttumut piginnaasalimmut kajumissaatitut nersornaasiuttagaat 10.000 koruuninik aningaasartaqartoq aamma tunniunneqarpoq.

Tasiilarmiu 18-inik Eino Taunajik kajumissaatitut nersornaaserneqarpoq. Taanna illoqarfigisamini kajumissutsiminik ilitsersuisartuuvoq.

- Illoqarfimmini Tasiilami inuusuttut peqatigalugit isiginnaartitsisarnikuuvoq ukiunilu marlunni isiginnaartitsisarnikuulluni. Sammisat soorlu imminut toqunneq, kinguaassiuutitigut kanngutsaatsuliorneq sammisallu oqallinnermik kinguneqartut ammasumik isummerfigalugit nunatsinni nunanilu allani malugineqarnikuuvoq. Inuusuttuuvoq piginnaasalik, oqallitsitsilersartoq inuttullu isummersuisartorujussuulluni – tamanna tunngavigalugu piginnaasamik nangitseqqinnissaanut ineriartortitsinissaanullu kajumissaarneqarpoq, naalakkersuisoq Ane Lone Bagger Eino Taunajimmut oqalugiaammini taama oqarpoq.

Namminersorlutik Oqartussat Kulturikkut nersornaasiuttagaannik tunineqartut, 1982-2018:

2018, Ida Heinrich

2017,Ville Siegstad, Niels-Henrik Lynge

2016, Siiva Fleischer

2015, Inuk Silis Høegh

2014, Jørgen Kleemann, Atuagassiaq Kalaaleq, Magnus Larsen

2013, Jørgen Kristensen, Qaanaami Aalisartut Piniartut Peqatigiit, N.A.I.P

2012, Anne-Birthe Hove & Ole Kristiansen

2011, Makka Kleist, Frederik Kristensen ”Kunngi”

2010, Arnat Peqatigiit Kattuffiat

2009, Miilu Lars Lund, Johanne Bech

2008, Anna Kuitse Thastum, Priscilla Josefsen

2007, Ruth Motzfeldt, Per Rosing

2006, Simon Løvstrøm, Enok Poulsen

2005, Regine & Benedikte Brandt

2004, Jørgen Fleischer

2003, NIPE, Julie Berthelsen

2002, Thue Christiansen, Pilunnguaq Lynge

2001, Mâliârak´ Vebæk

2000, Bodil Kaalund, Juaaka Lyberth

1999, Hans Anthon Lynge, Isiginnaartitsisartut Silamiut

1998, Avannaata Qimussersua

1997, Ulloriannguaq Kristiansen

1996, Karl Heilmann, Gert Pivat

1995, Pauline Lumholdt, Nuuk Posse

1994, Qaannat Kattuffiat

1993, Robert Petersen, Jens Jørgen Fleischer, Jens Danielsen

1992, Hans A. Hansen, Malik Høegh

1991, Gudrun Chemnitz

1990, Christian Berthelsen

1989, Aka Høegh, Kiistat Lund, Rasmus Lyberth

1988, Martha Biilmann, H.C Petersen

1987, Knud Rasmussenip Højskolea

1986, Manasse Mathæussen

1985, Jens Rosing, Villads Villadsen

1984, Frederik Nielsen, Simon Kristoffersen

1983, Hans Lynge, Jakob II Egede

1982, NIPE, Otto Sandgreen, Peter Enoksen, Anthon Berthelsen

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat