PIP-p naalakkersuisut inuit pisinnaatitaaffiisa eqqartuussivissuannut tunniussinissani aalajangiusimavaa
Meeqqat sumiginnarneqarsimasut Namminersornerullutik Oqartussanit naammaginartumik ikiorneqannginnerarlugit, Perorsaasut Iilinniarsimasut Peqatigiiffiata inuit piginnaatitaaffii pillugit eqqartartuussivissuanut siornali suliassanngortitsiniarnini suli aalajangiusimagaa, PIP-p siulittaasua Nausúnguaq Bisgaard oqarpoq.
Meeqqat Inuusuttullu Pillugit Ilisimasaqarfik, MIPI, meeqqat nunatsinni naammaginartumik atugaqartinneqarnerannik nassuiaammik saqqumiusseqqammerpoq. Tassani erserpoq meeqqat piginnaatitaaffii pillugit FN-imi isumaqatigiissut nunatta unioqqutikkaa.
-Suliaq suli ingerlavoq. Naalakkersuisut iliuuseqanngisaannarmata inuit pisinnaatitaaffiannut tunniunniarlugit PIP-mit kalerriutiginikuuagut. Maannakkut inatsisilerituutta suliaraa, illoqarfimmilu ataatsimi meeqqat ukiuni arlalinni angajoqqaaminnit sumiginnagaasut ikiorlugit, Naasunnguaq Bisgaard oqarpoq.
Itisiliineq tamakkerlugu tusarnaarsimanngikkukku, knr naggat gl titarneq uingasoq itisiliineq alakkaruk, tassanilu aallakaatitaq tamaat tusarnaarsinnaarlugu.
