PIP: Neriorsuutit iliuuserineqartartullu assigiinngillat
Meeqqat sumiginnakkat pillugit kommunini ataasiakkaani sukumiisumik misissuisoqassasoq, Ilaqutariinnermut naalakkersuisoq Tommy Marø radioaviisimi ippassaani neriorsuivoq, neriorsuutilli iliuuserineqartartullu assigiinngitsut, Perorsaasut Ilinniarsimasut Peqatigiiffianni, PIP-mi, siulittaasuugallartoq Kaaliina Skifte isumaqarpoq:
- PIP-minngaanniit oqarsinnaavugut: Neriorsuutit allaapput, iliuuserineqartartullu allaallutik. Taamaammat misisuisitsisoqarniarneq apeqquserparput, Kaaliina Skifte oqarpoq, nangillunilu:
- Iluamik misissuisoqassappat, taava inunnik isumaginninnerup tamaat misissuiffigineqartariaqarpoq, eqqarsaatigineqarsinnaavorlu peqqinnissaqarfik aamma ilanngunneqarnissaa. PIP misissuinermi aamma ilanngunneqarsinnaavoq, PIP-mi siulittaasuugallartoq Kaaliina Skifte oqarpoq.
Misissuinissaq 3 – 400 millioni koruuninik naleqarsinnaasoq PIP isumaqarpoq, taamaassappallu danskit misissuinissamut aningaasaleeqataasariaqartut oqarluni.
