PIP: meqqat sumiginnakkat eqqumaffigineqarnerulit

novembarip 08-at 2006 13:08

Perorsaasut ilinniarsimasut peqatigiiffiat PIP meeqqanut sumiginnakkanut tunnganerusunik ukiuni marlunni tulliuttuni suliniuteqarneruniarpoq, taama peqatigiiffik qanittukkut ataatsimeersuarmat aalajangerneqarpoq.

Nalunngikkaluarlugu meeraqartoq angerlarsimaffiup avataanut inissinneqarnissamut utaqqisunik, meeqqat angerlarsimaffiup avataanut inissinneqartussat suliassartaat kommuneqarfinni inunnik isumaginninnermut ataatsimiititalianit suliarineqarneq ajornerat PIP-mit isorineqarpoq.

Ilaqutariinnermut Naalakkersuisoq Asii Chemnitz Narup PIP-mit nersualaarneqarpoq, meeqqat inissinneqartussat ulloq unnuarlu inissiisarfinni inissaqartinneqalernissaat pillugu suliniuteqarmat, taamaattorli suliniarnerup naammannginnera PIP-mit erseqqissaatigineqarpoq.

Meeqqat ukiukitsut sumiginnagaasut kingullermik misissuinermi taaneqartunit 24-iusunit amerlanerujussuusut, PIP-ip ilaasortaanit meeqqerivinni sulisunit nalunaarutigineqarpoq.

Meeqqanik angerlarsimaffiup avataanut initsisarneq PIP-mit isumaqatiginartinneqanngilaq, taamaattumik

Meeqqerivinni sulisut isumaqarput sumiginnaasarnermut pitsaaliuiniarluni sulianiarneq anaanaasut naartunerisa nalaanniilli aallartinneqartariaqartoq, ilaqutariillu suliniarnermi ilaatinneqartariaqartut.