PIP mattussiniarunnaarpoq
januaarip 31-at 2007 07:30
Perorsaasut ilinniarsimasut peqatigiiffiata, PIP-p, Nunani avannarlerneersunik perorsaasunik atorfinnik nunatsinni mattussilersaarnini aqagu ulloq, februaarip ulluisa aallaqqaataat, aallarnerfigalugu tunuartippaa.
Perorsaasut Namminersornerullutik Oqartussani isumaqatiginninniartarfik ippassaq januaarip ulluisa 30-anni isumaqatiginninniaqatigereerlugu taama aalajangerput.
Perorsaasut mattussilersaaraluarnerminnut tunngavilersuutigaat, Namminersornerullutik Oqartussani Kommunenilu isumaqatigiissutit unioqqutinneqakulavallaartarnerat.
Illuatungeriilli aaqqiissutissamik oqaloqatigeereerlutik mattussilersaarnerigaluaq maanna tunuartikkaat, Perorsaasut peqatigiiffiata, PIP-p, tusagassiutinut allakkamini nalunaarutigaa.
