Piorsarsimassutsimut ministeri unittoq

Piorsarsimassutsimut Danmarkimi ministeri, Brian Mikkelsen, uummammi ukkuaagut saamerlikkut navianarsinnaasumik aseruuttoorsimalluni Gentoftemi napparsimmavissuarmi uninngasoq, Piorsarsimassutsimut ministeriaqarfimmi tusagassiisartuuneq ilisimatitsivoq.

Brian Mikkelsenip napparsimanerani kia taarsissaneraa Statsministeriaqarfimmit aqagu aalajangerneqassaaq.

Brian Mikkelsen napparsimmavimmut sapaatiummat unippoq, Gentoftemilu napparsimmavimmi uummalliortut immikkoortortaannut ippassaq nuunneqarluni.

Tusagassiisartuuneq naapertorlugu Brian Mikkelsenip nakorsamit misissorneqarnera sapaatit akunnerinik sisamanik sivisussuseqassaaq.

Københavnimi napparsimmavissuarmi, Rigshospitalimi, uummalliortut immikkoortortaanni nakorsaaneq, Lars Køber, oqarpoq, uummatip ukkuaagut aseruuttoorneq inuunermut navianarluinnartuuvoq, pingaartumik suliaritiaanngikkaanni.

- Suliaritiaanngikkaanni tamanna toqqutigineqarsinnaavoq, aseruuttoorsimalluni paasigaanni ingerlaannaq suliaritinnissaq pingaaruteqarpoq, uummatit nakorsaat, Lars Køber, nutaarsiassaqartitsivimmut Ritzauimut oqarpoq.