Pinniinnerpaaq

juunip 23-at 2007 14:02

Nunarsuarmi qimmini pinniinnerpaaq toqqarneqarpoq.

Qimminnguakkuluk pinniingaarami allaat toqutaassutigingajassimavaa. Taanna qimmeq USA-mi illoqarfimmi New Jersey-mi inuttanilu najugaqarput, qimminillu assigiinngitsunit marlunnit, tassalu qimmeq meqqoqanngitsoq Chinese Crested-imik taaguutilik aammalu Chihuhua-mik taaguutilimmik akusaavoq.

Qimmeq taanna pinniinnerpaatut ajugaatinneqartoq, ilaannikkut E.T-mik taaneqartarpoq. Qimminillu pinniinneqqusaatsitsinermi Californiami Marin-Sonoma-mi ingerlanneqartumi qimmeq pinniitsoq elwood-imik ateqartinneqartoq ajugaatinneqarpoq.

Pinniingaarami piaraasoq, piaqqortitsisuata toquinnarusussimagaluarpaa, tassami pisiarineqarumanngimmat. Oqaa takisooq nivingaannartoq, isaalu anillangasut, tassa taamak pinniitsigaaq.

Pinniitsuunerli imminut akilersinnaavoq.

Arnalli Karen Quigley-mik atillip pisiarimmagu qimmeq annappoq. Qimmitullu pinniinnerpaatut toqqarneqarmat, inuttaa 1000 dollarinik, tassa 6000 koruunik missaannik naleqartunik pinnatsinneqarpoq.