Pinngussat ilaat akoorutissanik ulorianartunik akoqarput
Inuusat Barbie-nik taaguutillit aamma pinngussat Fisher-Price-meersut akoorutissanik ima akoqartigipput, allaat akoorutissat annerpaaffissaat 180-eriaammik qaangerlugu akoqartarlutik.
Allattoq Elisa Isaksen
USA-mi inatsisartut tusarniaasitsineranni paasissutissat nutaat tamanna ersersikkaat dr.dk-mi allaaserinnittoqarpoq.
Pinngussat ilaatigut akuerisaasut sinnerujussuarlugit aqerlunik akoqarput. Aqerlup meeqqat ilikkagaqarniarnerat aamma pissusilersornerat ajoqusersinnaavaa.
Pinnguaarniarfissuup Mattel-ip pinngussat Kina-mi sanatittarpai. Mattel-ip ajornartorsiut nassuerutigereerpaa, Kinamilu pinngualiorfiit arlallit suleqatigiunnaareerlugit.