Pinnguaatinik pinngitsuuisinnaanngitsut misissuiffigineqartut

Pinnguaatinik eqquniaanermillu pinngitsuuisinnaanngitsut affaasa missaat imigassamik   ikiaroornartumillu hash-imik atuisuupput.  Tamanna Kalaallit Nunaani peqqissuseq pillugu ilisimatusarfiup missisuisitsineranit paasineqarpoq.

Kalaallit amerlanerpaartaat  pinnguaatinik aningaasannanniutinik pinngitsuuisinnaannginnermik inuunerup ilaani  ajornartorsiuteqartarput taakkua aamma imigassamik  ikiaroornartumillu hash-imik atuisuusarlutik,
Angutit amerlanerusut atuisuusut misissuinermi paasineqarpoq.

Pinngitsuuisinnaannginnerit assigiinngiiartut ukioq 2006-mit 2010-mut misissuiffigineqarput, taakkua suliarineqarlutik ilisimatusartumit  Christina Viskum Lytken Larsen-imit taanna  innuttaasut peqqissusaannik misissuisarfik sinnerlugu misissuivoq.

Pinnguaatinik pinngitsuuisinnaanngitsut imigassamik ikiaroornartumillu hash-imik annertuumik atuuisuusut,  misissuinermi paasineqartut ilagaat.

Angutit pinnguaatinik pinngitsuusinnaanngitsut affaasa missaat annertuumik imigassamik atuisuupput 40 procentiisalu missaanniittut ikiaroornartumik hash-mik atuisuullutik.

Arnat pinnguaatinik pinngitsuuisinnaanngitsut 38 procentii imigassamik atuisuupput 28 procentii ikiaroornartumik hash-imik atuisuullutik, Christina Viskum Lytken Larsen oqarpoq.

Christina Viskum Lytken Larsen ilismatuutut misissuinini aallaavigalugu nunatsinni isumaginninnermut peqqissutsimullu oqartusaasunut inneruussuteqarpoq,  pinnguaatinik pinngitsuuisinnaanngitsut imigassamik ikiaroornartumillu atuisuunerisa ataqatigiinnerat eqqarsaatigilluaqqullugu taakkua imminnut ataqatigiinnerat maanna paasineqarmat.