Pinngortitaq pillugu siunnersortissaq nutaaq
Allattoq Mads Lynge
apriilip 29-at 2005 16:51
Sisimiut Kommuneanni juulip aallaqqaataaniit atuutilersussamik pinngortitaq pillugu siunnersorteqalissaaq. Tamanna meeqqanut, takornarianut allanullu periarfissiissaaq pinngortitami pisunik ilisimanninnilernissamik. Sisimiut Kommunalbestyrelsiata aalajangeqqammerpaa taamaattumik atorfinitsitsinissaq.
Pinngortitaq pillugu siunnersortissaq inuit pinngortitarlu imminnut sunniivigeqatigiinnerat inunnut paasititsiutigissavaa.
Siunnersortissap suliassaasa ilaraat naasut uumasullu allattorneqarnissaat. Taakku pillugit ilisimasat kinguaassatta iluaqutigiumaagassaannik allattuisoqassaaq.
Ilulissanilu Nuummilu pinngortitaq pillugu siunnersorteqalernissaq aamma eqqarsaatersuutigineqarpoq.