Pinngortitaleriffiup saattuartassat affaannanngoqquaat
Saattussanik aappaagu pisassat ilaatigut affaanngortinneqassasut Pinngortitaleriffik Naalakkersuisunut inassuteqarpoq. Maniitsup Sisimiullu avataanni kilisaatit saattuarniarfii matuneqassasut inassutigineqarpoq, sineruissamullu qanittumi pisassat affaannanngorlutillu sisamararterummik ikilineqassasut inassutigineqarpoq. Pinngortitaleriffiup inassutai KNAPK-p tapersersorai, siulittaasoq Leif Fontaine oqarpoq.
- Pinngortilateriffiup inassutai isumaqatigaagut, ungasinnerusormi isigalugu saattuaqartuarnissaa uagut siqutigisaraarput, Leif Fontaine oqarpoq.
Sinerissamut qanittumi saattussanik siorna pisassat katillugit 4000 tonsit sinilaarpaat, taakkulu 27 procentimik ikileriarlutik 2900 tonsiinnanngortinneqarnissaat Pinngortitaleriffiup inassutigaa. Saattuarniat qassut taamaatiinnartaroaqassanersut Leif Fontainep oqaatigiuminaatsippaa, aalisartulli taamaatiinnartariaqartussat taarsiissutinik qinnuteqaratarsinnaasut Leif Fontaine oqarpoq.