Assi: Jonas Løvschall-Wedel/KNR

Pinngortitaleriffiup innersuussutini aalajangiusimavai

Biologit saarullinnut pisassiissutissanut innersuussutaata appasinnera, Saarulliit suffisinnaanissaannut, taamaasillutillu amerlanerulersinnaanerannut, pissutaasoq Pinngortitalerifiimminngaanniit oqaatigineqarpoq. Aalisarnermut naalakkersuisup, Karl-Kristian Kruse pisassiissutinik qaffaanini tyskinit misissuineq tunngavilersuutigaa. Misissuinerli taanna sinerissap qanittuani saarullinnik misissuinerunngilaq

- Pinngortitaleriffiup aamma tyskit misissuineri, avataani saarulleqatigiinnut tunngasuupput. Taava una pisasseeqqinnerit eqqarsaatigissagutsigit, sinerissap qanittuani pisasseeqqinnerupput. Saarulleqatigiillu taakku allaapput. Pisassiissutinik qaffaaffigineqartut taakkua sinerissap qanittuanut tunngasuugamik, ukununnga avataani peqassutsimut misissuinernut attuumassuteqangaanngillat, Pinngortitaleriffimmi attaveqaqatigiinnermut pisortaq, Emma Kristensen oqarpoq.

Aamma atuaruk Saarulliit tukersimasut isumaqatigiinngissutaasut

Aamma atuaruk Demokraatit: Iluareqqusaarneruvoq

Sinerissap avataani maanna saarulleqarluartoq, Pinngortitaleriffimmi naluneqanngikkaluarpoq.

Kitaanili sinerissap avataani saarullinnik najugaqavissoqannginnera pissutigalugu, biologit tassani saarullinniartoqannginnissaa innersuussutigigaat.

 

Suffisinnaasut allamukassapput

Saarulliimmi taakku Nunattalu kangianinngaanneerput piffissamilu aalajangersimasumi suffiarineqarsimallutik. Taamaammat kangianut uteqqinnissaat ilimagineqarpoq, taammaattoqarpallu kitaani saarulleqarpallaarunnaassangatinneqarluni.

- Avataaniit saarullippassuit takuneqartartut amerlanerpaartaat tunup avataaneersuummata, imaluunniit ilai Islandimeersuusinnaammata, Emma Kristensen oqarpoq.

Aamma atuaruk Aalisarneq Pillugu Siunnersuisoqatigiit: Inassutinik malinnippoq

Sinerissap qanittuani saarullinnut pisassiissutinut unnersuussutit ukiup siulianut allanngortinneqannginneri, sarullinnut amerliartortitsinissamik tunngaveqartinneqarpoq.

Saarulliillu amerlinissaannut qularnaveeqqusiisoqarsinnaanngikkaluarlutik, saarulliit aalisarneqanngikkunik amerlinissaannut periarfissaqarluarnerussasut, Emma Kristensen oqarpoq.

- Saarullippassuaqarneranik oqaluttoqarnera, massakkut Pinngortitaleriffimmi biologit takusinnaasaat naapertorlugu 2009-mi suffiarineqarsimasunik tunngaveqarneruvoq. Taamaattumik saarulliit ukioqatigiit ataasiinnaq tunngavigivallaarutsigit, ikilisippallaarlugillu, taava soorunami saarulleqassutsinut amerlisaanissamut periarfissat aamma apparsassavavut, Emma Kristensen oqarpoq.

Aamma atuaruk Partiip inuusuttai: Kinguaassagut Krusep eqqarsaatiginngilai

Aamma atuaruk Suliffissaqartitsineq nungusaataanngitsumik aalisartarnermiit Krusep pingaarnerutippaa

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat