Pinngortitaleriffiup allilerneqarnissaanut aningaasaliisoqarpoq
Pinngortitaleriffiup 820 kvadratmeterinik allilerneqarnissaa pioreersullu nutarterneqarnissaa taamaalilluni matussuserneqarpoq. Pinngortitaleriffimmi pisortap, Klaus Nygaardip oqaatigaa Pinngortitaleriffiup nutaartassaani assigiinngitsunik misissueqqissaartarfiit, laboratoriat, allaffiillu, inuit 25-t suliffigisinnaasaat inissaqartinneqassasut.
Aage V. Jensens Fonde suliariniakkat Kalaallit Nunaannut attuumassuteqartut piviusunngortinneqarnissaannut atatillugu aatsaat tusalinngilarput.
Pinngortitaleriffiup misissuiartortunullu inissiat saniatigut, Tunup avannaani ilisimatuut misissuisarfianni, Zackenbergimi atortussat angallatissallu aningaasaateqarfiup aningaasaliiffiginikuuai, soorlu aamma suliariniakkat ilisimatusarnermut tunngasut atuakkanillu saqqummersitsiniarnerit aningaasaliiffigisareerai.
