Pinngortitaleriffik umiarsuartaarnissamut aningaasassarsiortoq
Pinngortitaleriffiup umiarsuaa Pâmiut, ilisimatusarnermut atorneqartartoq nutaamik taarserneqarnissaminut piareeqqavoq. Sermitsiaq.AG taama allaaserisaqarpoq.
Allattoq Jonas Fievé
Umiarsuup nutaap aningaasalersorneqarnissaanut periarfissat suunersut Pinngortitaleriffimmit paasiniarneqaleruttorpoq.
Umiarsuaq Pâmiut 1971-imi sananeqarpoq, Pinngortitaleriffiullu Royal Greenlandimit 1996-imi pisiaraa.
- Umiarsuup aningaasalersorneqarnissaanut periarfissat suunersut paasinialeruttorparput. Aningaasaateqarfinnit aningaasalersorneqarsinnaanissaa qularnarpoq, periarfissalli assigiinngitsuupput, aningaasaqarnikkullu nassuiaasiortoqarnisssaa maanna tullinnguuppoq, Pinngortitaleriffiup pisortaa Klaus Nygaard, Sermitsiaq.AG-mut oqarpoq.