Pinngortitaleriffik nutaamik umiarsuartaalerpoq
Umiarsuaq 30 meterisut takitigisoq 10 meterisut silitsigisoq Pinngortitaleriffiup ilisimatuussutsikkut misissuinermi atortagassaa martsip qaammataani nunatsinnut tikissaaq.
Allattoq Jaaku Lyberth
januaarip 12-at 2012 08:20
Umiarsuaq Skagenimi umiarsualiorfimmi sananeqarpoq. Umiarsuaq 16-nik ilaasoqarsinnaavoq.
Arfinilinnik inuttaqassaaq, bilogit qulit ilisimatuussutsikkut sulineranni ilaasorineqarsinnaallutik.
Umiarsuaq nunatta imartaani maajip qaammataanit decemberip tungaanut sikoqannginnerani angalasanersaa naatsorsuutigineqarpoq. Ukiukkut tassalu decemberip qaammataanit aprilip tungaanut Nuummi amuteqasassalluni.
Umiarsuaq Skagenimi umiarsualiorfimmi Karstensens Skibsværftimi takuneqarsinnaavoq. Aquttarfiata qulaani nasittarfiliortoqarsimavoq, taannalu umiarsuarmut ilisarnaataasussaasoq danmarkimi aalisarneq pillugu aviisimi fiskeritidenemi allaaserineqarpoq.
Umiarsuarmi maskiinalerisussamik Pinngortitaleriffik sulisussarsiorpoq
