Assi: Pinngortitaleriffik

Pinngortitaleriffik ilisimatusarnermut atorneqartussamik illutaassaaq

Pinngortitaleriffiup illuutaa nutaaq aappaagu 2017-imi naammassineqartussaq Nunatsinni ilinniartitaanermi pinngortitamik ilisimatusarnermut ilinniarfiit siullersarissavaat, Pinngortitaleriffik tusagassiorfinnut taama nalunaaruteqarpoq.

Ilinniartitaanerit nutaat Ilisimatusarfiup Danmarkimilu universitetit suleqatigiissutigalugit ineriartortitaraat. Ilisimatusarfiullu pinngortitamik ilisimatusarnermi ilinniakkamik tunngaviusumik 2018-imi aallartitsinissani naatsorsuutigaa, taassumalu bacheloritut ilinniarnertut ineriartorteqqinneqarnissaa aamma pilersaarutaavoq.  
 
Peqqissaanermik Ilisimatusarfik 2008-imili atulersoq Ilisimatusarfiullu ataani maanna inissisimaffeqartoq aamma illumiissaaq.  

Peqqissaanermik Ilisimatusarfik namminerisaminik misissuivittaassaaq sulisunullu ph.d-nngorniutigalugulu ilisimatusartunut qulinut inissaqassalluni.

Pinngortitaleriffik naapertorlugu tamanna Nunatsinni peqqissutsimik ilisimatusarnermik pitsanngorsaaqataallunilu nunami namminermi atugassanik peqqissuseq pillugu ilisimasanik pilersitsissaaq.

Pinngortitaleriffiup illutaassaa sapaatit-akunnerata siuliani nappaanersiorneqarpoq.

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl