Pinngortitaleriffik doktorertaarpoq
Ilisimatooq Erik Born doktorinngorniutini Norgemi Oslo-p Universitetiani ippassaq illersorpaa, doktorinngorlunilu.
Erik Bornip Doktorinngorniutigalugu nunatsinni aarrit atugarisaat misissorsimavai. Silaannaap aarrillu piniagaanerisa kingunerisaanik pillugit allaaserisaqarluni.
Misissuinermini paasisaasa ilagaat nunatsinni aaveq aniguilluarumaartoq silaannaap kiatsikkiartornerata kingunerisaanik imaq sikuerukkiartoralauarpalluunniit.
Erik Bornilli aarrit piniapilunneqarnerat aarlerinartoqartippaa. Nunatta kitaani aaverniarnerup ullumikkutut ingerlatiinnarneqassappat, Erik Bornip annilaangatigaa aarrit ikiliartuinnarnissaat.
Pinngortitaleriffimmit doktorinngortoqarnera Pinngortitaleriffiup avataanit isigineqarniarneranut iluaqataassaqisoq, Pingortitaleriffiup tusagassissarfianeersoq Iima Kristensen oqarpoq.
- Pingortitaleriffiup nunatta avataanit aningaasaliiffigineqarsinnaaneranut aamma periarfissiisinnaavoq, Iima Kristensen oqarpoq.
