Pinngortitaleriffik: Appat amerlarpasissinnaaput - ikilinikuuppulli
Appat arriitsuararsuarmik kinguaasiortarnerat pissutigalugu piaqqiornissaannut piffssaqarniassammata eqqissisimatitaannissaat, Pinngortitaleriffiup siunnertuutigaa.
Pinngortitaleriffiup taama siunnersuuteqarnera innutaasunit isumaqatigineqanngilaq.
Appat eqqissisimatinneqarnissaannut Pinngortitaleriffiup innersuussinera patsisussarpassuaqarpoq.
Appat amerlasoorujussuusorinarsinnaasarput. Tamarmilli kalaallit nunaanni kinguaassiortuunngillat, Pinngortitaleriffimmi timmissat pillugit ilimatuussutsikkut misissuisuuneq Flemming Merkel oqarpoq.
Appat takuneqartartut ukiup qanoq ilinerani takuneqarnerat apeqqutaavoq.
Appat upernaakkut takuneqartartut tassaasinnaapput nunatta avannaani appaqarfinnut ingerlaartut, ukiukkut appat takuneqartut tassasinnaallutik appat nunat sanilerisaninngaaneersuusut, Flemming Merkel oqarpoq, takuneqartartulllu tassaasariaqanngillat appat kalaallit nunaanni kinguaassiortut imaluunniit kalaallit nunaanni appaqarfinneersut.
Pinngortitaleriffik 3 oktober tusagassiortunik katersortitsimmat appat pisarineqarsinnaasut uummassusilerisunit innersuussussutigineqartut saqqummiunneqarput. Saqqummiunneqartumi appat Qaannaap Nuullu eqqaaniittut 1990mit otte procentinik amerleriarsimapput
Qaanaap Nuullu eqqaani appat amerliariarsimagaluartut appat sumiiffinni tamani eqqissisimatitaasariaqartut ilisimatooq Flemming Merkel oqarpoq,
Ukiukkut appanniarnermi oqaannartoqarsinnaanngilaq appat Qaanaap eqqaninngaaneersut kisiisa pisariniarpakka, tassami appat takuneqartartut kalaallit nunaani appat nunallu sanilerisat appaat akulerussuussinnaamata, Flemming Merkel oqarpoq.
Appat appaqarfinni mannilliorfiinilu pinngortitaleriffimmiunit aasakkut kisinneqartarput. Appat aasakkut katersuuttarmata aasakkut kisitsisoqartarpoq. Assiliissutit atorlugit appat kisinneqartarput.
Appaqarfiit assiliortarneqartarput kingornalu assilisat qarasaasianut katiterlugit appat kisinneqartarlutik,
Taakkua saniatigut assiliissut piffisami sivisuumi appaqarfinnut inissinneqartarpoq akunnerlu ataaseq qaangiukkaangat assiliisarluni,
Appat takuinnarlugit amerlasuutut isikkoraluarlutik appat ikilinikuupput. Tamanna Flemming Merkel-ip uppernarsarpaa, majip qaammataani qeqertarsuup tunuani misissuinermi paasineqarmat.
Apparfimmi misissuiffigineqartumi appat piaqqiortut 1500init 1700nut taamaallaat amerlassuseqalersimapput.
Qeqertarsuup tunuani appat tusintilikkkaat hundretusindtilikkaalluunniit upernaakkut takuneqarsinnaasarput, unali qulakkeerlugu oqaatigisinnaasarput tassaavoq appat piaqqiorfigisartagaat ataasinnaanngorsimammat, taamaattumik apparpassuit takuneqartartut kalaallit nunaani appaqarfinneersuunngillat taakkuami nunani allani appaqarfnnut ingerlaqqittussaammata Flemming Merkel oqarpoq.
Nunatsinni appanniartarneq pissutigalugu appat nunani allaniittut nungutaanissaminnut ulorianartorsiortinneqarsinnaapput, taakkuami ukiukkut nunatsinnut pisarput appanniarnerup nalaani.
