Pinngitsuutitaavoq
Glostrup-imi ingasaassiniarluni pinerliiniartutut pasilligaasoq 19-inik ukiulik EH aappassaani unnerluutiginearaluarluni pinngitsuutitaavoq. DR-imiit Claus Burg eqqartuussivimmiissimasoq paasissutissiivoq.
Allattoq Jokum Nielsen
marsip 10-at 2008 14:47
EH ingasaassiniarluni pinerliiniartutut eqqartuunneqarnermini pinngitsuutinneqarpoq.
Eqqartuussinermi pinngitsuutitsineq unnerluussisunut ajorsarujussuarnertut taaneqarsinnaavoq. Politiit Isertortumik paasiniaasartuisa aappassaa EH pineqaatisseriaraluarpaat, tassa ukiut pingajua qeqqa angut inuusuttoq eqqartuussinikkut persarisimagaluarpaat. Taamaalillunilu massakkut pinngitsuutinneqarnermini taarsiiffigiterujussuartussanngorpoq. Tassa unnerluussisut Politiit Isertortumik paasiniaasartuilu ajorsarterujussuarneqarput.
Taarsiivigitinnissamik eqqartuussineq tullinnguuppoq, kingullermillu taamatut pisoqarmat, tassa unnerluussaaqataasa ilaat isertitsivimmiitinneqareerluni pinngitsuutinneqarmat 800.000 koruuninik taarsiivigitippoq.
