Pinngitsaalisaallutik nuutsitaasunut eqqaassutissiaq
Naggueqatigiit Inuit 90-it sinneqartut 1950-ikkunni Canadap avannarpasinnerusuanut nunaqarfimminnit 1.200 kilometerinik ungasinnerusumut pinngitsaalisaallutik nuutsitaanerat, eqqaassutissiat iluaqutigalugit, puigorneqannginnissaa qulakkeerneqassaaq. Nutaarsiassaqartitsivimmi CBC News-imi taama allaaserinnittoqarpoq.
Pinngitsaaliilluni nuutsitsisoqarmalli, tassa Canadap issittumi oqaasissaqarnissaa qulakkeerniarlugu nutsertitsinerup kingornagut, Canadami naalakkersuisut, nuutsitaminnut neriorsuutertik - tassa Inuit nuuffigisartik nuannarinngikkunikku nunaqarfitoqqaminnut uteqqissasut, eqquutsinneqanngitsoq, Canadami naalakkersuisut nassuerutigereerpaat.
Eqqaassutissap aappaa tallimanngorpat uleerneqartussaavoq.
Eqqaassutissat marluusut naggueqatigiinnit Inunnit, pinngitsaalisaalluni nuutsitaanermik misigisaqareersunit suliarineqarput. Taamaalilluni eqqaassutissap aappaa tassaavoq arnaq aliasuuteqartoq, avammut immap tungaasut isigisoq.
