Pinngitsaalisaallutik atortittarsimasut utoqqatserfigineqarumapput
Nutaarsiassaqartitsiviit Ritzau aamma AFP taama allaaserisaqarput.
Arnat taakkua maannakkut 80-sit sinnerlugit ukioqartut tapersersortitik 200-it ilagalugit Tokyo-liarput, piumasaqaatitik Japan-ip ministeriuneranut Naoto Kan-imut saqqummiukkiartorlugit.
Japanimiut utoqqatsernissaannik piumasaqaateqarnermi, atsiortitsinerit 600.000-it katersorneqarput, Japanillu ministeriunerannut tunniunneqarlutik. Atsiortitsinerit Japanimi Sydkorea-mi Filippiinerillu Nunaanni katersorneqarput.
Naalagaaffiit Peqatigiit nunarsuaq tamakkerlugu arnanut nakuusertarnerup akiorniarneqarneranut ullumi ulloq ullorititaaraa.
- Sorsuttoqaqqinngisaannarnissaa kissaatigigaarpara, uattut pilliutigineqarluni atugaliortitaasimanerup misigineqarnera pilersissammagu, pinngitsaalisaalluni atortittartuusimasoq, Sydkoreamioq Gil Won Ok oqarpoq.
Sorsunnersuup aappaata nalaanni arnat 200.000-it sinnerlugit, Koreameersut, Kinameersut, Indonesiameersut Filippinerillu Nunaanneersut qimarngunneqarput, Japanimiut sakkutooqarfiini atortittartutut atornerlunneqarlutik.
Arnat pinerluffigineqarsimanerat atornerlunneqarsimanerallu pillugu Japan siornatigut utoqqatsernikuuvoq, taamattorli sakkutooqarfinni arnat pinngitsaalisaallutik atortittartutut pineqarsimanerat akisussaaffigiumanagu.