Pinngitsaalisaalluni nuutsitaasimaneq pillugu misigisalikkersaarut saqqummerpoq
Meeqqat Danmarkimut nuutsinneqartut ilaat, Carla Lucia Frølund Knakkergaard, arfineq pingasunik ukioqarluni Danmarkimut tikippoq. Isumaqatigiissutaasut tamaasa uniorlugit niviarsiarannguaq Stevnsimi arnamut kisimiittumut meeravissianngortinneqarpoq, Kalaallit Nunaannullu attaveqarnera arriitsumik annikilliartuinnarluni.
Kalaallisut oqaasii pingaaruteqarunnaariartorput, Carla Lucia Frølund Knakkergaardilu ullumikkut kalaallisut oqalussinnaajunnaarsimavoq. Ilaquttami Kalaallit Nunaaniittut oqaloqatigisinnaajunnaarsimanerannik tamanna kinguneqarpoq, taamaattumillu ilaquttaminut attaveqarniarnera annikilliartuinnarsimalluni.
Naak aallartinnerlioraluarluni, Carla Lucia Frølund Knakkergaard anaanarilikkani pitsaasumik peroriartorfigaa, Carla Lucia Frølund Knakkergaardilu kingornatigut Birger Knakkergaardimut katippoq. Atuakkiortup eqqarsaatit inuunini taamaat aqqusaarsimasani avatangiiserisaniillu allaanerunerup qanoq ittuunera atuakkami misigisalikkersaarutimini oqaluttuarai.
”Et godt liv - trods alt!” 99 kr.-eqarpoq, Danmarkimilu Nunatsinnilu atuagaarniarfinni pisiarineqarsinnalluni, aamma namminersortut atuakkanik saqqummersitaminnik tuniniaavianni www.privatbogen.dk-imi kiisalu saqqummersitsisarfimmi JB Historie, Postboks 31, 8520 Lystrup, tlf. 24 78 12 70 – kontakt@jbhistorie.dk – www.jbhistorie.dk-mi pisariarineqarsinnaavoq.
