Pinngitsaaliisoq iperarneqarpoq
Maniitsumi angut 30-inik ukiulik pinngitsaaliilluni arnamik kinguaassiuutitigut atoqateqarsimasutut pasillugu inatsit tunngaviusoq naapertorlugu killisiorneareersorlu kredsrettimit ullumi iperarneqarpoq.
Angut 30-inik ukiulik pinngitsuunerartoq iperagaasorlu tamaattoq suli pasineqarpoq, tamannalu pillugu suliami unnerluusisussaatitaasup angutip iperagaanera Landrettimut suliassanngortippaa.
Pasineqartoq angut 30-inik ukiulik arnamik 30-40-llu akornanni ukiulimmik tallimanngornerup arfininngornerullu akornanni unnuakkut pinngitsaaliilluni atoqateqarsimasutut unnerluutigineqarpoq.
Arnaq Maniitsumi politiinut nassuiaavoq illoqarfimmi fiistertuniitilluni aalakoornermilu nalaani angummit pineqartumit allamut qaqquneqarsimalluni, sunaaffaqaaqquneqarfia susoqanngitsoq.
Angutip arnaq piumanngimmat saassuteqqaarsimavaa
Kiinaagullu tilluttarsimallugu.Arnaq persuttarneqarnerminit qaatusimanngitsoq angutip atoqatigisimavaa.
Pisumut atatillugu Maniitsumi politiit suli ujaaraat angut alla arnamik pineqartumik pinngitsaaleeqataasimasutut pasineqartoq.
