Aappariit arnamik 22-inik ukiulimmik Nanortalimmi februaarip 19-ani pinngitsaaliisimasutut pasisat, tigummigallagaanerat sivitsorneqartoq vicepolitikommissær Niels Nyvang Nielsen oqarpoq.
Pinngitsaaliineq pivoq aappariit arnaq inuusuttoq angerlarsimaffimminnut qaaqqoreerlugu pinngitsaalimmassuk.
Arnap inuusuttup oqaluttuarsimanera naapertorlugu angummit 40-nik ukiulimmit savimmik qunusiarineqartoq, angutip nuliata arnaq inuusuttoq atisaajarsimavaa.
Aappariit pinngitsaaliisimasutut pasineqartut aalakoorpallaarsimanertik pissutigalugu eqqaamasaqannginnerarsimapput, taamannalu pissutigalugu politiit misissuinissartik pinerullugu pinngitsaaliisimasutut pasisaasut, tigummigallagaanerat ulluni 14-ini sivitsorpaat.