Pinngitsaaliilluni arneriniarneq, annaassiniarneq angerlarsimaffinnilu eqqissiviilliornerit
Piniartut pingasut appanniartillutik tassanngaannaq nittaattupilussuanngormat tammartajaarsimapput. Sumiissusersiutaat battereeruttoorsimapput, taamaattumillu politiit annaassiniartariaqarsimallutik. Politiit angallataata Sisaap appanniat nassaarivai angerlamullu oqqullugit.
Sisamanngormat ullup qeqqata missaani Blok O-mi, angutip arnaq aalajangerlugu atisaajarniarsarisimavaa, arnarli illersorluni akiuunnermigut angut qimaatissinnaasimavaa. Arnalli angut taanna ullut marlussuit qaangiummata siumorpaa politiinullu nalunaarutigalugu, politiillu tigusarivaat. Angut taanna eqqartuussivimmut kingusinnerusukkut suliassanngortinneqassaaq.
Aamma nakuusertoqarneranik suliat pingasuusimapput. Naalungiarsuk nakuuserfigineqarsimavoq, politeeq nakuuserfigineqarluni kiisalu sakkortuumik saassussilluni nakuusertoqarsimalluni. Suliami kingullermi angut nakuusertoq inatsit tunngaviusoq naapertorlugu killisiorneqarpoq, politiinillu sapaatit-akunnerini pingasuni tigummigallagassanngortinneqarluni.
Politiit angerlarsimaffinni eqqissiviilliornerit 17-it aamma orniguffigisimavaat, taakkunga marluk meerartaqarsimallutik. Aalakoorpallaatut tallimat, imerniartarfimmi eqqissiviilliornerit marluk, aqqusinermi eqqissiviilliortoqarnera ataaseq imminullu toqunniarluni sioorasaarinerit sisamat politiinut nalunaarutigineqarsimapput. Kiisalu aamma politiit inuk ataaseq napparsimmaviup tarnikkut nappaatilinmnut immikkoortaanut A1-mut pinngitsaaliissummik unitsitsinermut peqataasimapput.
